Ажылчын чонну шаңнаан
«Мөген-Бүрен» көдээ ажыл-агый бүдүрүлгезинде кеш болбаазырадыр цехтиң ажыдыышкынынга тураскаадып, Мөңгүн-Тайга кожуунга Дээди Хуралдың депутаттары Байбек Монгуш, Ульяна Монгуш база Ужар-оол Иргит бɵлүк мурнакчыларга шаңналдарны тывыскан. Олар «Мөген-Бүренниң» даргазы Ɵшкү-Саар Аракчааевна Ооржакка чаа чедиишкин-биле байыр чедиргеш, «Арзайты» көдээ ажыл-агыйының хереглел кооперативиниң удуртукчузу Зурав Боранакович Эрексенге Хүндүлел бижикти, Дээди Хуралдың Даргазының Өөрүп четтириишкин аныяк мастер-бүдүрүкчү Бады-Доржу Салчакка тывысканнар.
Ол ышкаш үш үлегерлиг, хөй ажы-төлдүг өг-бүлелерниң төлээлери – Чейнеш Салчак, Маруся Чамзы, Айдаш Ян-оолду депутаттар деткээннер.
Сөөлгү чылдарда «Мөген-Бүренде» дараазында цехтер ажыттынганын демдеглээри чугула:
сүт продукциязын болбаазырадыр цех,
какпактаан эът бүдүрер цех,
мал согар болгаш эът болбаазырадыр цех,
алгы-кеш болбаазырадыр цех.
Бо чедиишкиннер көдээ ажыл-агый бүдүрүлгезиниң үе-биле деңге чоруп турарын база катап бадыткап турар.
https://khural.rtyva.ru/
В тренде
- В Новосибирске опубликовали пять худших дорог города по версии 2ГИС
- Заявление президента Российской Федерации Владимира Путина
- Россияне используют семейную ипотеку для сохранения накоплений
- Салат "Курочка под кайфом": "короночка" на новогодний стол - сведёт с ума гостей
- Телеграм-канал президента ЦС ТПП Рафаэля Шагеева